今日去咗上環住宅單位滅蟲，工人姐姐話最近見到曱甴。

入到廳發現好多網購紙箱，有部份拆咗箱但貨品仍然放喺箱入面。我地問工人姐姐啲紙箱係咪放咗好耐，工人姐姐話客人通常weekend先會拆，有時拆咗客人又未將貨品收好，所以佢唔敢亂丟，同時客人又成日網購，因此不停有紙箱堆積。

當害蟲經不同方法入屋後，依啲紙箱既摺坑會提供空隙俾佢地藏匿，例如：曱甴特別鐘意係皺摺坑紙箱繁殖。所以，當收到貨後，應該盡快拆盒把紙箱送去回收，避免喺屋企堆積。

我地做完檢查同全屋噴藥後，提醒咗工人姐姐，負責嘅Sales 同事亦再次提醒客人家居整潔的環境是綜合蟲害管理重要的環節，要勤清紙箱，避免成為害蟲嘅棲息地。